Mirjalol Qosimov "SHo'rtan" bilan o'yindan so'ng nimalar dedi?

"SHo'rtan"ni g'alaba bilan tabriklayman. Biz bugun mag'lubiyatga loyiq emasdik. Bugungi bahs muxlislarbop bo'ldi. Tezlik va shiddatli uchrashuv guvohi bo'ldik. Ko'plab vaziyatlar yaratdik, ammo futbol beshafqat. Agar yaratgan vaziyatlardan to'g'ri va unumli foydalanganimizda 3-4ta gol urishimiz mumkin edi.

Quvontiradigan jihati so'nggi soniyaga qadar futbolchilarimiz kurashishdi. Muxlislar bugungi o'yindan xursand bo'lib ketishdi.

G'alaba va mag'lubiyat yonma yon yuradi. SHu o'yin orqali o'z xatolarimiz ustida ishlashga harakat qilamiz.

Biz eng yuqori maqsadlarni o'z oldimizga qo'yganmiz. 16-17 yosh bo'lsa ularni yosh futbolchi desa bo'ladi, 20 yoshdan o'tdimi bunday deb bo'lmaydi. Ularga g'oliblik ruhiyatini qaytarishimiz kerak. Bunga vaqt kerak.

Keyingi mavsumda OCHLga yo'llanma olishni maqsad qilayapmiz. Kubok orqali bo'ladimi yoki chempionatmi farqi yo'q", - deydi Mirjalol Qosimov.

Fahriddin CHoriev yozib oldi