Mirjalol Qosimov: "Bunyodkor"ning umri uzoq bo'lishini niyat qilaman"

- Eng muhimi, kerakli natijaga erishdik va keyingi bosqichga yo'l oldik. Ayni paytda oson o'yinlarni o'zi yo'q. Bugun ramazon oyi bo'lishiga qaramasdan stadionga tashrif buyurgan muxlislarga o'z minnatdorchiligimni bildiraman. CHunki ruzadorlarga futbol kelish oson emas. Agarda bugun ozgina bo'lsada ularni kayfiyatini ko'tara olgan bo'lsak, unda men baxtiyorman.

- Transfer oynasi ochilgach jamoaning bir qator futbolchilari ketib qolish ehtimoli mavjud...
- Bu normal holat. Avvallari takidlaganimdek, agarda yaxshi taklif tushadigan bo'lsa, unda bir futbolchini sotib yuborish evaziga jamoani saqlab qolamiz. Transfer - futbolning bir bo'lagi. Butun dunyoda bo'ladigan odatiy jarayon. Futbolda transferlar, qaysidir futbolchini ketib qolishi avval ham bo'lgan va bundan keyin ham shundayligicha qoladi. Buni to'g'ri qabul qilish lozim.

- Uzun quloq gaplarga qaraganda, kelasi yili "Bunyodkor" jamoasi faoliyat yuritishi so'roq ostida ekan...
- To'g'risini aytadigan bo'lsam, ertaga nima bo'lishini Xudo biladi. Yaxshi niyat qilib qolamiz. SHunday jamoa, ajoyib majmua, necha yuzlab insonlarning mehnati sinayotgan ushbu kollektiv, yosh bolakaylar tahsil olayotgan akademiya. CHin dildan "Bunyodkor" klubining umri uzoq bo'lishini niyat qilib qolaman.

"Bunyodkor" O'zbekiston kubogi nimchorak final doirasida "So'g'diyona" jamoasini 1:0 hisobida mag'lub etib chorak finalga yo'l oldi.