"Milan" futbolchisi jag' qismidagi sinish sabab uzoq muddatga safdan chiqdi

Jamoa yarim himoyachisi Ruben Loftus-Chikning qachon maydonga qaytishi malum bo'ldi.

Dahshatli to'qnashuv:

O'yinning ilk daqiqalaridayoq (8-daqiqa) Salemakers tomonidan jarima maydonchasiga uzatilgan to'pga chiqishda «Parma» posboni Edoardo Korvi mushtlari bilan to'pni urib yubordi. Biroq o'sha vaziyatda u Loftus-Chikning yuz qismiga qattiq zarba berdi. Ingliz futbolchisi maydonga quladi va uni stadiondan zambilda, bo'yin qismi maxsus moslama bilan fiksaciya qilingan holda olib chiqib ketishdi.

Operaciya va tiklanish muddati:

Tibbiy tekshiruvlar natijasida futbolchining yuqori jag' qismidagi suyak (alveolyar o'simtasi) singani malum bo'ldi.

Bugun Loftus-Chik muvaffaqiyatli operaciya qilindi va shifoxonadan javob berildi.

«Rossoneri» matbuot xizmatining xabar berishicha, futbolchining tiklanishi uchun taxminan 8 hafta vaqt talab etiladi.

Shunday qilib, Massimiliano Allegri yaqin ikki oy davomida Loftus-Chik xizmatlaridan foydalana olmaydi. Bu "qizil-qoralar" uchun mavsumning hal qiluvchi pallasida katta yo'qotish bo'ldi.