Messining asosiy maqsadi – "Barselona"ga qaytish

Faoliyatini Kataloniya klubida davom ettirish argentinalik uchun ustuvor vazifa, deb yozdi jurnalist Santi Auna Twitter'dagi sahifasida.

Manbaning xabariga ko'ra, parijliklar klubi sport direktori Messi bilan yangi shartnoma bo'yicha kelishishga urinishda davom etmoqda. Futbolchining o'zi 2021 yilda Parijga ko'chib o'tishdan oldin butun faoliyatini o'tkazgan klubga qaytish variantiga intilmoqda.

Avvalroq 35 yoshli futbolchi va PSJ maosh borasida kelisha olmagani haqida xabar berilgandi. Argentinalik futbolchining parijliklar bilan amaldagi kelishuvi 2023 yilning yoziga qadar tuzilgan.

Messi joriy mavsum PSJ safida barcha turnirlar doirasida 31 ta o'yinda maydonga tushib, 18 ta gol urdi va 17 ta golli uzatmani amalga oshirdi.