Mbappe Franciya terma jamoasining faqat muhim o'yinlarida harakat qilmoqchi. "Real" forvardi 2025 yilgi "Oltin to'p"ni ko'zlagan

25 yoshli forvard 2025 yilda France Football jurnali talqiniga ko'ra dunyoning eng yaxshi futbolchisiga topshiriladigan "Oltin to'p"ni olmoqchi.

Franciya terma jamoasi sardori bo'lmish Mbappe tiklanishga etarli vaqt bo'lishi va jarohatlardan qochish uchun milliy jamoaning faqatgina muhim o'yinlarida ishtirok etmoqchi.

Oldinroq, "Real" hujumchisi UEFA Millat ligasi doirasida Franciyaning Isroil (4:1) bilan o'yini vaqtida Stokgolmdagi restoran va tungi klubga borgandi. Unga jarohatdan tiklanishga vaqt berish uchun milliy jamoaga chaqirilmagandi.