"Mashal" o'z maydonida g'alaba qozona olmagan yagona jamoa

Kecha Muborakning "Mashal" klubi o'z maydonida Toshkentning "Lokomotiv" klubini qabul qilib 0:2 hisobida mag'lub bo'ldi. SHu tariqa, Aleksandr Xomyakov shogirdlarining o'z maydonlaridagi g'alabasiz seriyasida davom etdi. O'z uyida o'tkazgan to'rtta o'yinning 1tasida durang o'ynagan "Mashal" uch bor mag'lub bo'ldi.

Etiborlisi, jamoa Muborakda hali bironta gol ham urgani yo'q. "Bunyodkor" (0:2), "Paxtakor" (0:1), "Olmaliq" (0:0) va "Lokomotiv" (0:2).

Qizig'i "gazchilar" 10 ochkoning 9tasini safarda qo'lga kiritishdi va safar o'yinlarida mag'lub bo'lmagan uchta klubdan biri bo'lib turishibdi.

Kecha Jizzaxning "So'g'diyona klubi o'z muxlislari qarshisida "Neftchi"ni mag'lub etdi - 2:0. SHunday qilib, bu mavsumda o'z maydonida g'olib bo'lmagan bitta klub qoldi - "Mashal".

Muborakliklar navbatdagi uy o'yinini 6 iyun kuni "Navbahor"ga qarshi o'tkazishadi.