"Marsel"ning 3 nafar futbolchisi o'qqa tutildi

 Hujum Valentin shossesi va Marselning 12-okrugida joylashgan "Komandi" mashg'ulot markazi o'rtasidagi hududda sodir bo'ldi.

Futbolchilar Gavr shahridan o'z mashinalarida qaytayotgandi va ularni mashg'ulot markaziga oz qolganida qaroqchilar to'xtatib qolishgan. Tasdiqlangan manbalarga ko'ra, futbolchilar hujumchilardan qochib qutulishga muvaffaq bo'lganiga qaramay, ularga bir necha marta o'q uzilgan. Futbolchilardan birining haydovchi eshigidan ikkita o'q topilgan, kalibri hali aniqlanmagan uchinchi o'q esa "Marsel"ning boshqa vakili mashinasi yukxonasiga tushib qolgan.

Marsel prokuraturasi tergovni Uyushgan va ixtisoslashgan jinoyatchilikka qarshi kurash departamentiga topshirdi.