Markus Tyuram Messi sovg'a qilgan butsasini do'stiga berib yuborgani haqida aytib berdi

"10 yosh paytimda otamni (Lilian Tyuram) "Barselona"dagi mashg'ulotini ko'rishga borganman va butsalarim yonimda emasdi. Messi yosh edi va mashg'ulotdan so'ng boshqa bolalar bilan to'p tepishni xohladim. Leoning butsalari o'lchami menikiga to'g'ri kelardi.

U menga butsalarini tashlab ketdi, biroz to'p tepdim, keyin u menga "o'zingda olib qol" dedi. 10 yosh edim dedimku, nima sodir bo'lganini tushunmaganman, ertasi kuni butsalarni do'stimga berib yuborganman. Hozir har kuni afsuslanaman" - deydi "Inter" hujumchisi.