Maftuna Jonimqulova: “Bizga tajriba etishmadi”

3-tur doirasida Eron qarshi o'tkazilgan o'yindan keyin jamoamizning asosiy posboni Maftuna Jonimqulovaning musobaqa haqidagi fikrlari bilan qiziqdik.

“Turnir yaxshi o'tdi. Oldingi yilga nisbatan yaxshiroq qatnashdik. Hal qiluvchi bahsda bizga tajriba etishmadi, deb hisoblayman. CHunki forslar tarkibida professional futzalchilar to'p tepyapti. Biz esa faqat terma jamoa yig'ilgan paytda futzal o'ynash imkoniyatiga egamiz. SHunga qaramay, kuchli raqibni ancha qiynadik. G'alaba qozonishimiz ham mumkin edi. Biroz omad etishmadi”, — deydi 23 yoshli darvozabon. 

— Katta futboldan kelib, birdaniga parket ustida o'ynab ketish qiyin bo'lsa kerak...

— Albatta. Tashqaridan bir xildek ko'rinishi mumkin, lekin futzal va futbol orasida juda katta farq bor. Bizda chempionat yo'q. Barcha qizlar musoboqaga 10 kunlik tayyorgarlik bilan ishtirok etishdi.

— Jamoamizdan turnir davomida eng faol bo'lgan futzalchi sifatida kimni ko'rsatasiz?

— Bu jamoaviy sport bo'lgani uchun kimnidir ajratib ko'rsatmayman. Hamma qo'lidan kelgancha harakat qildi.

— “Sevinch” 3 yillik tanaffusdan keyin Oliy Ligani yutdi. CHempionlik yoqimli bo'ldimi?

— Rahbariyat o'tgan yil boshidayoq oldimizga birinchi o'rin vazifasini qo'ygan edi. Og'ir mavsum bo'ldi. Qiyin o'yinlar, jarohat va yo'qotishlar bo'ldi. SHunga qaramay “Oltin dubl” sohibiga aylandik. Uzoq kutilgan g'alaba yoqimli bo'lar ekan.

— Kelayotgan mavsumda jamoaning ambiciyalari o'zgarmaydimi?

— Yo'q. Biz har doim eng yaxshisi uchun kurashamiz. CHempion bo'lishdan ko'ra, uni saqlab qolish qiyinroq. SHu tomondan juda qiziqarli mavsum bo'lsa kerak. Bundan tashqari, chempionlar ligasi bahslarida qatnashamiz. Bu ham o'ziga xos motivaciya beradi...

Malumot uchun, Maftuna Jonimqulova 1999 yil Qarshi shahrida tug'ilgan. U 2010 yildan (11 yosh) "Sevinch" klubi azosi hisoblanadi.

Muallifning telegramdagi kanali → FR| futbol ANALIZI