"Liverpul" futbolchisini Milinkovich-Savichga almashtirmoqchi

Mersisayd klubi himoyachisi Jo Gomesni "Lacio" yulduzi Sergey Milinkovich-Savich o'rniga taklif qiladi. 

"Qizillar" ancha vaqtdan buyon yarim himoyachining harakatlarini kuzatib borayotgan edi. Gomes bilan birga to'lanadigan qo'shimcha mablag' Italiya klubining 70 mln evrolik talabini qondira olishiga ishonishmoqda. Bu 27 yoshli futbolchini o'z safida ko'rishni istayotgan "Yuventus" qiziqishining oxiri bo'lishi mumkin. Yaqinda futbolchining o'zi ham Turin klubiga o'tishga qarshi emasligi haqida xabarlar tarqalgan edi.

Serbiyalik yarim himoyachi ushbu mavsum "Lacio" libosida 11 ta o'yinda qatnashdi va 4 ta gol urib, 5 ta assist qayd etdi.