Lineker: Ronalduning o'yinidan hayratdaman, Messi esa menga quvonch baxsh etadi

“Men Messini tanlayman. Aslida ikkala futbolchi ham menga yoqadi. Agar Tvitterda “bu Ronalduning ajoyib va hayratlanarli goli” deb yozsangiz, muhokamalarga darrov Messiya fanatlari qo'shilishadi. Agar Messi haqida nimadir yaxshi gap yozmoqchi bo'lsangiz, men buni doim aytib kelaman, Ronaldu fanatlari ham Messi tarafdorlari qilgan ishni takrorlashadi.

Albatta, har ikkala futbolchini ham yaxshi ko'rish, o'yinidan rohatlanish mumkin. Xuddi men kabi. Ammo ular ikki xil olamdagi futbolchilar. Ronaldu –atlet. U har bir o'yinda borini berib o'ynashga urinadi. U men ko'rgan futbolchilar ichida bosh bilan o'ynashda eng yaxshisi va eng yaxshi to'purar futbolchi.

Messi ham o'ziga xos hislatlarga ega.  U ham men ko'rgan futbolchilar ichida eng yaxshi dribler, eng yaxshi to'p uzatib beruvchi futbolchi. Ronalduning o'yinidan hayratga tushaman. Messining o'yini esa menga quvonch bahsh etadi. Ularning farqi men uchun shunda”, deya Linekerning so'zlaridan iqtibos keltirmoqda Sport Bible.