Liga Tartib-intizom qo'mitasi ilk yig'ilishini o'tkazdi. Qo'mitaga sobiq murabbiy raislik qilmoqda

Liga Tartib-intizom kodeksining 4-moddasi 1-bandidan kelib chiqib, Qo'mita besh nafar azodan tashkil topgan bo'lib, ular futbolning turli yo'nalishlarida faoliyat olib boradi. Jumladan, murabbiy sifatida Furqat Esonboev taklif etilgan va u bir vaqtning o'zida Qo'mita raisi hisoblanadi. Sobiq futbolchi sifatida Baxtiyor Ashurmatov, sobiq hakam sifatida Bobur Haydarov, futbol sharhlovchisi sifatida Otabek Jo'raev, Liganing sport yo'nalishi bo'yicha Sardor Qudratullaev qo'mita beshligini to'ldiradi. Liga Komissari Diyor Xotamqulov Qo'mitada kotib sifatida faoliyat olib boradi. Liga Ijroiya qo'mitasi azosi Oybek Ibrohimxonov yuriskonsult sifatida tartib-intizom yo'nalishi bo'yicha Associaciya va Liga qoshidagi uch instanciya faoliyatini muvofiqlashtiradi.

Kelishuvga ko'ra, Qo'mita Superliga va O'zbekiston kubogi doirasidagi tur o'yinlar yakunlanganidan keyin yig'iladi va mavjud holatlarni ko'rib chiqadi. Jumladan, Superliga 1-turi doirasida bugun ikkita ish ko'rib chiqilmoqda. Yig'ilish bayonnomasi imzolangach, bu haqda alohida xabar beriladi.