"Lester"ga qarshi bahs oldidan Sulsher ishtirokidagi matbuot anjumani (to'liq)

Bugun ana shu uchrashuv oldidan "Qizil iblislar" bosh murabbiyi Ole-Gunnar Sulsher ishtirokida matbuot anjumani bo'lib o'tdi.

Manchester United Marcus Rashford - 8'

Premier League . 5-tur 14/09/2019, 20:00 0 : 1 Tugadi

Leicester City

Stadion: Old Trafford, 73689 tomoshabin

Bosh hakam: Martin Atkinson

45'

90'

8'  Marcus Rashford

67'  Nemanja Matic (Fred)

70'  Juan Mata (Tahith Chong)

84'  Daniel James

90'  Daniel James (Axel Tuanzebe)

57'  Hamza Choudhury (Ayoze Perez)

68'  Demarai Gray (Harvey Barnes)

75'  James Maddison

90'  Ben Chilwell

Match-senterda ochish

Jarohatlanganlar haqida
Jarohatlanganlardan kimdir ertaga maydonga tushishiga vada bera olmayman. Lekin, biz ulardan hech bo'lmasa bir yoki ikki nafari zaxirada bo'lishiga harakat qilamiz. Ko'ramiz, o'yingacha nima bo'larkin. Balki ular keyingi dam olish kunigacha safga qaytishar.
Lazaretimiz hamon to'la. Ehtimol Aaron (Van Bissaka) yoki Jessi tayyor bo'lar. Lekin, bunga kafolat bera olmayman.

"Lester" haqida
"Lester" - hamisha og'ir o'yin. Bu top-4ga kirishni xohlaydigan jamoa. Ularda yaxshi o'yinchilar, ajoyib murabbiy bor. Brendan (Rodjers)ning jamoalari har doim tomoshabop futbol namoyish etadi. Biz 3 ochko ishlash uchun yaxshi o'ynashimiz zarur.
Bizda maydonga tushishi mumkin bo'lgan tajribali o'yinchilar bor. Xuan, Nemanya, Esh - ularning barchasi dastlabki turlarda uncha ko'p o'ynashmadi. Lekin, ertaga bizning boshlang'ich tarkibimiz o'rtacha yoshi ko'tariladi.

De Xeaning shartnomasi haqida
Men Davidning qolishini xohlayman va uning o'zi ham buni biladi. David - dunyoning eng zo'r darvozaboni. Buni ko'p yillardan beri ko'rib kelmoqdamiz. Umid qilaman, u faoliyatini eng yuqori darajada "Manchester Yunayted"da tugatadi. Klub va David o'rtasida ko'plab muzokaralar bo'ldi. Yakunda u bilan yangi shartnoma imzolay olamiz deb umid qilaman.

Pogba o'yindan tashqarida
Pogba to'liq tayyor bo'lmaydi. U kutilmaganda to'liq sog'ayib ketadi va ertaga 100 foizga tayyor bo'la oladi deb o'ylaysizmi? Yo'q, bunday bo'lmaydi.

Maguayr qay darajada moslashib oldi?
O'ylashimcha, u qoyilmaqom bo'ldi. U jamoaga keldi va o'zini maydonda ham, kiyinish xonasida ham etakchi sifatida ko'rsata oldi. Aminmanki, u sobiq jamoasi bilan to'qnashuvni sabrsizlik bilan kutmoqda. U kelajakda jamoada katta rolni bajaradi. U aynan bizga zarur futbolchi ekanligiga amin bo'lish uchun uzoq vaqt uni kuzatib bordik. SHu sabab unga pul sarfladik. "Lester" esa uni yo'qotishni istamagan edi.
Etakchilar kamligini inobatga olganda Maguayr kelajakda sardor bo'lishi mumkinmi?
Unda o'zgacha xarakter bor, bu orqali u katta klubning sardori bo'lishi mumkin. Kiyinish xonasida u etakchi. Uning o'zini tutishi, xarakteri - kuzatishni xohlaydigan jihat. Kimdir o'yin bo'yicha etakchi, kimdir sunosabatlarda. Unda esa har ikkisi qorishib ketgan.

Marsyal haqida
Umid qilamiz, u keyingi hafta "Vest Xem"ga qarshi o'yinga tayyor bo'ladi. Pol va Antoni bir bosqichda va ularning har ikkisi keyingi o'yinga tayyor bo'ladi deb o'ylayman. Lekin, bundan ortiq hech narsa ayta olmayman.

Jeyms haqida
Uni o'rganayotganimizda Giggz bilan gaplashdim va u "Old Trafford"dagi birinchi o'yinidayoq gol urganidan ajablanmadim. U ishonchga erishdi, u qoyilmaqom o'ynadi. Unda portlovchi tezlik bor. U har ikki oyog'i bilan zarbalar berishni mashq qilmoqda va yanada ko'proq gollar uradi.

Skoulzning so'zlariga ko'ra, "Yunayted" yaqin bir necha yillarda chempionatni yutmaydi
Pol "Manchester Yunayted" futbolchisi bo'lish nima ekanligini yaxshi biladi. "Liverpul" va "Siti"ning biz bilan o'tgan mavsumdagi farqidan kelib chiqilsa, ularga tez orada chaqiruv tashlay olishimiz qiyin. Lekin, ishlar to'g'ri yo'lga qo'yilganini u ko'rib turibdi. To'g'ri yo'lni topa olishimizga ishonaman.