LegionerUz. Otabek SHukurovning qadami “SHarja”ga yoqdi. Rashidovga-chi, “Al-Jazira” yoqyaptimi?
23 jan 2018 11:03
Yangiliklar
LegionerUz. Otabek SHukurovning qadami “SHarja”ga yoqdi. Rashidovga-chi, “Al-Jazira” yoqyaptimi?
Sharjah Cultural Club Welliton - 48', Hasan Al Hammadi - 90' |
Arabian Gulf League . 13-tur 22/01/2018, 17:10 0
:
2
Tugadi
|
Al-Dhafra |
Tomonlarning birinchi davra o'yinida “Al-Dafra” xuddi shu hisobda ustun kelgandi. Biroq ayni paytda jamoa ligada so'nggi o'rinni egallab turibdi. Makedoniyalik mutaxassis boshchilik qilayotgan klub ixtiyorida vaziyatni o'nglash uchun yana 9 ta tur bor.
Sergeev aytilgani kabi “o'zbek derbisi”da qaydnomaga kiritilmadi. Unda kichik jarohat bor. SHu o'rinda SHukurov va Sergeev masalasidagi farqli tomonga etibor qaratishni istardim. Igor jamoasi bilan yarim yillik shartnoma tuzdi, yani, mavsum oxirida erkin agentga aylanadi. Bu nima degani? U bahordayoq katta ehtimol bilan “Al-Dafra”dan xayrlashadi. Yani, bu vaqtincha qo'nim joyidek ko'rinadi.
Ayni paytda Sergeevning agentlari unga yangi klub izlash ishlari bilan band bo'lsa, ajablanmayman. Hujumchi “Paxtakor”dan ketgach, O'zbekistonda qola olmasdi. Unga xorijiy variantlar nisbatan qiziq ekani tushunarli. Ammo taklifda ham gap ko'p. Aytaylik, Sergeevni istalgancha reklama qilish uchun imkoniyat bor. CHunki yaqin-yaqingacha O'zbekiston milliy terma jamoasining asosiy hujumchisi bo'lib o'ynagan. Biroq ayni paytda Igor “Al-Dafra” uchun borini beradi, deb o'ylamayman. Professional sifatida har bir o'yinda astoydil yugurishi turgan gap. Biroq bu klub dardi bilan yashamoqda degani emas.
SHukurovda esa vaziyat boshqacha. Uni klubning o'zi yaxshi taklif bilan chaqirdi. O'z navbatida futbolchi ham qimmatli narsalaridan voz kechishga majbur bo'ldiki, hammasi “SHarja”ni ko'tarish uchun va klubida asosiy figuralardan biriga aylanib olish uchun. Kechagi g'alabasiga qadar ham “SHarja” SHukurov 90 daqiqadan o'ynagan 2 ta o'yinda zafar quchgandi. Avvaliga oson bo'lmagan raqib “An-Nasr” maydonidan 2:1 hisobidagi g'alaba bilan qaytgan sharjaliklar, keyin Prezident Kubogida Aziz Haydarov to'p suradigan “Ajman”ni 2:0 hisobida taslim etishdi. Endi esa chempionat doirasida Sergeev klubi ishonchli hisob bilan mag'lub etildi.
Sardor Rashidov
Ko'rinishidan Rashidovning “Al-Jazira” bilan ishlarida tushunmovchiliklar ko'p. Jamoaning gollandiyalik bosh murabbiyi BAA Superkubogi o'yinida ham Rashidovga imkoniyat bermadi. Klublar o'rtasidagi Jahon CHempionatini-ku, aytmasa ham bo'ladi.
Hozircha futbolchining o'zi bu borada aniq bir narsa deyayotgani yo'q. SHunday vaqtlar bo'ladiki, muammolar haqida gapirishni ham istamay qolasan. Balki murabbiy ketsa, hammasi joyiga tushar, balki Rashidovning o'zi “Al-Jazira”ni tark etishi kerakdir, kim biladi... Mana shunday paytda Osiyoning 2016 yildagi eng yaxshi futbolchisi Umar Abdulrahmon Rashidovga ikki marta qo'ng'iroq qilgani va bitta klubda o'ynashni taklif qilgani yodga tushadi. Hozir “Al-Ayn” ligada peshqadam, ular yaqindagina Ahmad Halilni ham qo'lga kiritishdi.
Championat.asia statistikasi
Fikrlar