Laporta "Barselona" shuncha pulni qaerdan olayotganiga javob berdi

"Barselona" klubi prezidenti Joan Laporta klubning transferlar oynasidagi g'ayritabiiy faolligi borasidagi tanqidlarga javob qaytardi. 

"Men ularga shubhalanish imkoniyatini yarataman. Tanqidchilar biz hech narsa qila olmaymiz deb o'ylashgandi. Ammo ular "Barsa"ning qudratini va yangi rahbariyatning rejalarini bilishmasdi. Bu gaplar shunchaki bizning klub haqida etarli malumotga ega emaslikdan kelib chiqmoqda. "Barselona"da 120 yillik tarix va qimmatli aktivlar bor. Bizdagi aktivlar boshqa klublarnikidan ko'proq. 25 yillik televizion huquqlar uchun biz 667.5 mln evro oldik. Meni tushungandirsiz? SHu bilan birga, biz yaxshi ish olib bormoqdamiz. 

Futbol kutib turmaydi. Bizning muxlislar yuqori sifatga o'rganib qolishgan. Ularning talablari boshqa klublarnikidan yuqori. "Barselona"da bizdan ko'proq narsa talab qiladigan 400 mln muxlis bor. 

Har kim o'zi nima qilishi kerakligini yaxshi biladi. Men boshqalarning ishiga aralashmayapman. Ulardan ham shuni so'ragan bo'lardim. Maydonda va maydon tashqarisida kurishib, yakunda kim ko'proq va yaxshiroq ishlaganini bilib olamiz", -deydi Joan Laporta. 

Malumot uchun, "Barselona" ushbu yozda transferlar uchun eng ko'p pul sarflagan klub bo'lib turibdi.