La Liga. "Barselona" bor alamini "Kadis"dan olishga urinadi

"Barselona"

Evrokuboklardagi ishtirokini ECHLda boshlagan "Barselona" kutilgan natijaga erisha olmadi va uchinchi o'rin orqali Evropa Ligasiga ravona bo'lishdi.

Pley-offda ilk raqib "Napoli" bo'ldi va Xavi jamoasi neapolliklarni ancha oson (ikki o'yin natijasiga ko'ra 5:3) engdi. Keyingi raunddagi raqib Turkiyaning "Galatasaray" klubi bo'ldi. Turk grandi jiddiy qarshilik ko'rsatgan bo'lsada, saviya bobida ustun bo'lgan kataloniyaliklar keyingi bosqich yo'llanmasini qo'lga kiritdi.

Yaxshi sport formasiga kirib olgan "Barsa" bir necha kun avval kutilmaganda "Ayntraxt"ga o'z uyida (2:3) yutqazib qo'ydi hamda musobaqani tark etdi.

CHempionatda 30 o'yindan keyin "Barselona" hisobida 17 g'alaba va 9 durang bor. Hozircha ikkita ko'p o'yin o'tkazgan "Real" bilan oradagi farq 15 ochko. So'nggi ikki turda jamoa "Sevilya" (1:0) va "Levante"ni (3:2) mag'lubiyatga uchratdi.

Umtiti, Fati, Roberto, Pedri jarohat sabab, Arauxo esa diskvalifikaciya tufayli bahsni o'tkazib yuboradi. Pikening jamoaga yordam bera olishi so'roq ostida.  

Qizig'i, oxirgi 3 ta o'zaro o'yinga qarasak, "Kadis"ning ustunligiga guvohi bo'lamiz (1 g'alaba, 2 durang). "Barsa" biror marta bu raqibni enga olmagan. 

"Kadis"

"Kadis" Ispaniya oliy ligasida 14-mavsumini o'tkazmoqda. Mazmunli o'yin va qoniqarli natijalarga boy bo'lgan o'tgan mavsumdan keyin bunisi uncha o'xshamayapti. Natijalar qanoatlantirmagach, rahbariyat yanvar oyida bosh murabbiyni alishtirdi - boshqaruvni Serxio Gonsales o'z qo'liga oldi. Ammo o'tgan vaqt davomida mutaxassis vaziyatni, hozircha, keskin o'zgartira olgani yo'q.

Ispaniya Kubogida jamoa unchalik yomon o'yin ko'rsatmadi deya olamiz. "Vilya Fortuna" (7:0) va "Albasete" (1:0)dan keyin "sariq-ko'klar" "Xixon"ni taslim etishdi. Biroq chorakfinalda "Valensiya"ga imkoniyat boy berildi (1:2).

La Ligada andalusiyaliklar 5 g'alaba va 13 durang orqali 28 ochko jamg'arishgan hamda 18-pog'onani egallab turishibdi. O'tgan tur jamoa "Betis"ga mag'lub bo'ldi (1:2).

Bugun mehmonlarga Ruben Alkaraz va Varazdat Aroyan yordam bera olmaydi. Floiran Andone hamda Isaak Karselenning o'yinda ishtirok etishi so'roq ostida.

Albatta bu juftlikda yaqqol favorit mezbonlar. Katta kuch bilan himoyalanishi kutilayotgan "Kadis" Evropa Ligasidan chiqib ketgan va kayfiyati unchalik yaxshi bo'lmagan "ko'k-anorranglilar" bilan durang o'ynasa ham xafa bo'lmasa kerak. Tig'iz taqvim va oxirgi omadsizliklar "Barselona"ga tasir o'tkazmay qolmasada, Xavi jamoasi Primera autsayderlaridan birini taslim etish uchun maydonga tushadi.