Kurtua: "Mag'lubiyat "Real"ning uyg'onishiga yordam beradi"
18 okt 2020 14:45
Yangiliklar

Kurtua: "Mag'lubiyat "Real"ning uyg'onishiga yordam beradi"

Madridning "Real" klubi darvozaboni Tibo Kurtua Ispaniya chempionati doirasidagi "Kadis" (0:1)ga qarshi o'yindan so'ng jamoaning o'yiniga izoh berdi.

"Murabbiy tanaffusda 4ta o'zgarish qildi va biz ikkinchi taymda yaxshiroq o'ynadik, ammo gol ura olmadik. "Kadis" - himoyalanishni ajoyib tarzda uddalaydigan tartibli jamoa.

Ushbu mag'lubiyatga izoh topish qiyin, biz bir-birimiz bilan gaplashishimiz kerak. Bu bahona topishga urinish, ammo biz terma jamoaning o'yinlaridan so'ng kechagina to'liq tarkibda shug'ullandik.

Mag'lubiyat uyg'onishga va ishga qaytishga yordam beradi. Uyda g'alaba qozonish kerak, ammo drama qilishga arzimaydi. Endi CHL doirasida "SHaxtyor"ni yutishimiz va bu orqali "Kamp Nou"dagi o'yin oldidan o'zimizga bo'lgan ishonchni his qilishimiz kerak", - deydi Kurtua.

Havola :

Manba : Marca

Yangiliklarni Telegramda o'qing!

Reyting: +2