Kuman: "Barselona"da o'ynayotgan futbolchi penaltida adashmasligi kerak"
23 jan 2021 00:15
Yangiliklar

Kuman: "Barselona"da o'ynayotgan futbolchi penaltida adashmasligi kerak"

"Barselona" bosh murabbiyi Ronald Kuman Ispaniya Kubogi doirasida "Kornelya"ga qarshi bahsdan keyin urilmagan penaltilar haqida gapirdi.

Uchrashuvning asosiy vaqtida "ko'k-anorranglilar" futbolchilari ikki marta penaltilardan foydalana olmadi: "Kornelya" posboni Ramon Xuan birinchi bo'limda Miralem Pyanich, tanaffusdan keyin esa Usmon Dembelening penaltilarini qaytardi.

"Tushunmayman, tarkibimizda penaltidan gol ura oladigan futbolchilar ko'p bo'lsa, nima uchun bu jihatda oqsayapmiz. Balki, futbolchilar qo'rqayotgandir. Ammo "Barselona" futbolchisi sifatida siz ketma-ket ikki marta penaltida adashishingizga haqqingiz yo'q", - dedi Kuman.

Ushbu mavsumda "Barselona" 5 marta penaltidan foydalana olmadi. Bunga qadar Lionel Messi, Antuan Grizmann, Martin Breytueyt ham shunday holatga tushib qolgandi.

Havola :

Manba : Goal

Yangiliklarni Telegramda o'qing!

Reyting: +11