Kuman "Barselona"da Gvardiola joriy etgan qoidani tikladi

Unga ko'ra klubning barcha o'yinchilari ish jarayoni boshlanishidan bir soat oldin bazaga kelishlari kerak.

Ilk bor bu qoidani Kataloniya klubida ishlab yurgan payti Xosep Gvardiola joriy etgan edi. Ammo, boshqa murabbiylar kelishi bilan bu qoida o'z kuchini yo'qotgan. Endi esa Kuman intizomni kuchaytirish uchun qatiy jadvalni tikladi.

Eslatib o'tamiz, "Barselona" kutilmaganda yakunlangan mavsumda hech qanday sovrin yuta olmadi. Klub La Liga 2-o'rinni egallagan bo'lsa, CHempionlar Ligasida esa chorak finalda to'xtadi.