Koutino "Barselona"da qoladigan bo'ldi

"Mundo Deportivo" xabariga ko'ra, yakunlangan mavsumni "Bavariya" tarkibida ijarada o'tkazgan braziliyalik Kataloniya klubi qarorgohiga etib kelgan va jamoa bilan mashg'ulotlar o'tkazmoqda. Jamoaning yangi bosh murabbiyi Ronald Kuman futbolchiga imkon bermoqchi va boshqa klublarga qo'yib yubormoqchi emas.

Ammo klub rahbariyati futbolchi uchun so'ralayotgan 120 mln evroni to'laydigan xaridor chiqib qolsa, xavbekni sotib yuborishi hech gap emas. O'tgan yili Myunxen klubi futbolchini shuncha summaga sotib olish imkoniyati bilan ijaraga olgandi, biroq ular bundan foydalanishmadi.