Kannavaro: "Timur Kapadze bilan o'yin falsafalarimiz o'xshash"
08 okt 17:27
Yangiliklar
Kannavaro: "Timur Kapadze bilan o'yin falsafalarimiz o'xshash"
Har bir uchrashuv men uchun futbolchilik davrimda ham, hozir ham qiyin. Hech qachon tayyor bo'lmagan holda maydonga tusha olmaysiz. Shu sabab doimo futbolchilarga maksimal tayyorgarlik ko'rish kerakligini takidlayman. Hattoki o'rtoqlik uchrashuvlarida ham.
- Kuvayt bilan o'yinga futbolchilarni siz chaqirmagansiz. Ertangi o'yin nimani anglatadi?
- Bilamiz ikkita o'yinga chaqirilgan o'yinchilardan foydalanamiz. Ikki kun oldin keldik. Tarkibimizga chaqirilgan futbolchilar yuz foiz kuchi bilan o'ynashlariga ishonaman. Bundan tashqari bizda ko'pgina jarohat olgan futbolchilar bor. Biz 90 daqiqa hujum qilmaymiz, lekin hujumkor o'yin namoyish etamiz.
- Ertaga asosiy tarkibni aniqlashda Timur Kapadze yordamidan foydalanasizmi?
- Albatta, murabbiylar shtabi bilan maslahatlashgan holda asosiy tarkibni aniqlaymiz. Bugun kechqurun ham futbolchilar bilan gaplashib olaman.
- Turg'unboev va Eshmurodov bugun terma jamoaga chaqiruv olishdi. Bunga sabab nima?
- Terma jamoaning oldingi barcha o'yinlarini ko'rib chiqdim. Mana shu ikki futbolchini yig'inga chaqirishlarini O'FAdar so'radim. Bizda yana ikki futbolchi jarohat tufayli safdan chiqishdi. O'FA bu haqda rasman elon qiladi.
- Timur Kapadze sizga qancha muddat yordam berishi kerak deb o'ylaysiz?
- Timur Kapadze bilan birgalikda ish olib boryapmiz, o'yin falsafalarimiz o'xshash. U sizga ishlamayman deb aytdimi (kulib)? U hozir biz bilan menga yordam bermoqda. Balki biz yana mahalliy murabbiyni shtabga jalb qilarmiz. Men o'tgan matbuot anjumanida ham aytdim: mahalliy murabbiy bo'lishini o'zim O'FAdan so'raganman.
- Italiyalik ko'plab buyuk murabbiylar bilan ishlagansiz Sakki, Lippi, Kapello va Anchelotti. Ulardan eng yaxshi jihatlarni olganmisiz?
- Ular nafaqat Italiya, balki dunyo futbolini o'zgartirib yuborgan murabbiylar hisoblanishadi. Umid qilamanki, ulardan yaxshi jihatlarini olganman.
- O'zbekiston terma jamoasi 3-4-3, 4-3-3 kabi taktikalarda o'ynagan. Siz ko'proq qaysi taktikani qo'llaysiz?
- Taktik uslublar bu shunchaki raqamlar xolos. Uch markaziy himoyachi bilan o'ynash himoyaviy ko'rinsa-da, aslida hujum boshlashda tezkorlikka erishishga imkon beradi. Men uchun muhimi — maydondagi 11 futbolchi bir-birini qanchalik tushuna olishi. Faoliyatim davomida buyuk murabbiylar bilan ishladim, ulardan ko'p narsa o'rgandim.
O’xshash yangiliklar
championat.asia
Ўртоқлик учрашуви. Ўзбекистон Уругвайга кичик ҳисобда мағлуб бўлди
Роналду жаҳон рекордини ўрнатди
Қатар ўта драматик кечган ўйинда БААни мағлубиятга учратиб, Жаҳон чемпионати йўлланмасини қўлга киритди!
Фабио Каннаваро: "Бизда буни ўнглаш учун яна 8 ой вақт бор"
Fikrlar
Trenega ham fudbolchilaga ham omad yor boʻlsin !!!
Бир қараганда бундан позитив топиш қийиндек, аммо бор. Мисол учун дейлик, Иоахим Лёв ёки Лучиано Спаллети каби каттароқ мураббийларнинг келиши камроқ эътирозга сабаб бўларди, улар ўзига яраша натижаларга эришган мутахассислар. Бу даражадаги мураббийлар Ўзбекистонга нега келиши мумкин? Албатта, пул учун, тўғрими? Зеро Осиёдаги қандайдир дебютант жамоани олиб, ўзини исботлашга мухтож эмас улар. Мабодо муваффақиятсизликка учраган тақдирда ҳам ҳеч нарса йўқотишмайди, шунчаки, ҳамма гап Ўзбекистонда экан, шундай мураббий ҳам эплолмади, дейилади, тамом.
Каннаваронинг ҳолати бошқа. Уни биз футболчилик пайтидан таниймиз, етакчи, ўз мақсади йўлида бор имкониятини ишга соладиган, ҳатто Тотти, Неста каби шериклари бўлса ҳам сардор қилиб танланган шахсият. У ўз олдига яхши мураббий бўлишни мақсад қилган, 10 йиллик фаолиятида кўп нарса ўхшамаган. Яъни бизнинг унга бўлган эҳтиёжимиздан кўра, у Ўзбекистон терма жамоасига мухтож. Мундиалда шу жамоа, шу футболчилар орқали у ўзини кўрсатиши, мураббий сифатида ҳам нимагадир арзишини исбот қилиши, Пирло, Гаттузо каби шериклари қаторига кириб олиши керак. Бу гўёки у учун сўнгги, энг муҳим имкониятдек. Мабодо ўхшамаса, айб фақат Ўзбекистондан қидирилмайди, қайсидир маънода Каннаваро резюмесига ҳам навбатдаги муваффақиятсизлик сифатида ёзилади. Яъни бу ерда фақат пул учун ишлаш масаласи эмас.
Шу томондан қараганда, Каннаваро кўп нарсага эришган мураббийлардан кўра кўпроқ, жиддийроқ ишлашига, бор имкониятини ишга солишига ишонса бўлади. Натижа қандай бўлишини эса билмадим. Футболчиларнинг имконияти ҳақида тахмин қилиш осон, устунлик ва камчиликлари очиқ бўлади. Мураббийлик бошқача, бир ерда ўхшамай, бошқа ерда ўхшаб қолиши мумкин.
@aslanov_futbol
Manga muximi shu.
35 йилдан бери суперлига пролига 1 лига аеллар футболи хаммаси халк пулидан туланади
Кетган маблагларни агар хисобласак эххе тренерга берилганидан 1000000 маротаба куп кетган лекин футболимиз уша уша шуни узгартириш керакми..
Ман Айтмокчи булган нарса каннаварога ухшаган мутахассислар келсагина футболимиз ва футболчиларимиз европага чикади булмасам Яна 35 йил юрамиз халкнинг пули деб
Каннаваро хам бутун дунега тренер сифатида кимлигини исботлаш ниятида русчасига амбицияси бор деб уйлайман