Jerar Pike: "La Ligadagi muvaffaqiyat - asosiysi. "Real" va "Atletiko" bizga halaqit bera olmasligiga harakat qilamiz"

"O'tgan mavsum biz uchun eng yaxshisi bo'lmadi. Ha, biz Kubokni qo'lga kiritdik, ammo La Liga yoki CHempionlar Ligasini yutmadik. Agar mavsum shunday o'tgan bo'lsa, uni yaxshi deb aytish mumkin emas. Yangi mavsumga ishtiyoq bilan kiramiz.

La Ligadagi muvaffaqiyat - asosiysi. Agar biz chempionatda yaxshi ishtirok etsak, boshqa sovrinlar tomon harakatlanishimiz mumkin, mart yoki aprelda esa ular uchun kurash imkoniyatini olamiz.

Biz mavsumni yaxshi boshlamoqchimiz, tezlikni oshirmoqchimiz, agar biz yaxshi ritmda harakatlansak va ochkolar zaxirasini qo'lga kiritsak, chempionatni yutamiz. "Real" va "Atletiko" halaqit bermasligiga harakat qilamiz", - deydi Pike.