JCH-2018 qurasi raqamlarda

Quraga nechi nafar murabbiy keladi? SHouda qancha artistlar ishtirok etishadi? Marosim qancha davom etadi? FIFA.com bu savollarga javob beradi va qura jarayonining barcha raqamlarini taqdim etadi.

1 soat – Moskvadagi qura marosimi taxminan shuncha davom etadi. Tadbirda faqat qura tashlanmaydi, balki musobaqa mezbon davlati haqida malumot ham beriladi – bizni ajoyib shou kutmoqda.

8 ta guruh paydo bo'ladi. Har bir guruhda 4tadan jamoa bo'ladi va dastlabki 2 o'rinni olgan jamoalar 1/8 finalga chiqadi. Musobaqa 14 iyundan 15 iyulga qadar Rossiyaning 11ta shahrida bo'lib o'tadi. Jami 64 ta o'yin o'tkaziladi.

10 futbol afsonalari qura jarayonida ishtirok etishadi. JCH-2014 chempioni Miroslav Kloze kubokni sahnaga olib chiqadi. Angliya terma jamoasi sobiq hujumchisi Gari Lineker qurani o'tkazadi, 8 mashhur futbolchilar esa yordamchi bo'lishadi: Loran Blan, Gordon Benks, Kafu, Fabio Kannavaro, Diego Forlan, Diego Maradona, Karles Puyol va Nikita Simonyan.

10 tonna temir qura bo'lib o'tadigan joyni tayyorlash uchun sarflandi. Ulardan 2,5 tonnasi sahnani qurish uchun ketdi, 1 tonna – podium uchun va 6 tonna – ekranlarga.

18 nafar professional tarjimonlar qurada ishlashashdi: ular dunyoning beshta tili: ingliz, nemis, ispan, francuz va rus tillariga tarjima qilishadi.

30 nafar murabbiy quraga keladi. 2018 yilgi mundialga chiqqan faqat ikki terma jamoaning ustozlari qurada qatnashishmaydi. Bular Avstraliya va Urugvay.

162 ta konteyner qura vaqtida chiqindilarni tashlash uchun ishlatiladi.

210 nafar artist qura marosimidagi shouda ishtirok etadi.

465 nafar volonter (ko'ngilli) Moskvadagi qura jarayonida faoliyat olib boradi.

1400 nafar mehmon quraga kelishi kutilmoqda. Ulardan 260 nafari JCH-2018ga chiqqan terma jamoa delegaciyasi azolari hisoblanadi.

1500 nafar jurnalistlar qurani yoritish uchun akkreditaciyadan o'tkazilgan. Ulardan 528 nafari yozuvchi jurnalistlar. 117 kanal qurani namoyish etadi, uni dunyoning 200dan ortiq mamlakatida tomosha qilishadi.

3960 kvadrat metr. Moskvadagi Qreml saroyida qura o'tkaziladigan joyning umumiy maydoni. Bu esa 6000 tomoshabinni o'z bag'riga sig'dira oladi.