JCH-2018 oldidan. Eron Liviya o'rniga boshqa raqib topdi
08 mar 2018 09:19
Yangiliklar
JCH-2018 oldidan. Eron Liviya o'rniga boshqa raqib topdi
Avvalroq forslarning Afrika vakili Liviya bilan 15 martada o'ynashi elon qilingandi, biroq ayrim sabablarga ko'ra bu o'yin o'tkazilmaydigan bo'ldi. Natija Eron o'ziga boshqa raqib topdi: Serra-Leone. Mazkur jamoaga qarshi o'rtoqlik uchrashuvi 17 mart kuni Tehrondagi "Ozodi" stadionida bo'lib o'tadi.
Ushbu yangilikni Eron futbol federaciyasi rahbari Mehdi Taj OAVga malum qildi. Serra-Leone terma jamoasi ayni payt FIFA reytingida 97-o'rinni egallab turibdi. Eron esa 33-o'rinda bormoqda. Mehdi Taj jurnalistlarga yana quyidagilarni malum qildi:
- "Navbatdagi jahon chempionatidan umidimiz katta, shu bois jiddiy tayyorlanmasak bo'lmaydi. Terma jamoamiz 17 mart kuni Serra-Leone bilan o'ynashga kelishib oldi. SHuningdek, 23 mart kuni Tunisga qarshi o'yinimiz ham bor. Avstriyadagi o'quv-yig'in mashg'ulotida Jazoir bilan o'ynaymiz".
- "Qolaversa, 11 may kuni Suriya va 18 mayda O'zbekiston terma jamoasiga qarshi maydonga tushamiz. May oyida Turkiyada ham yig'in o'tkazamiz va u erda Turkiya (28 may) va Greciya (2 iyun) bilan kuch sinashib ko'ramiz. JCH oldidan oxirgi nazorat bellashuvini 8 iyun kuni Litvaga qarshi o'tkazamiz".
Fikrlar