JCH-2018. Misr - Urugvay. Prevyu
15 iyu 2018 11:30
Yangiliklar

JCH-2018. Misr - Urugvay. Prevyu

Bugun JCH-2018da "A" guruhining 1-tur o'yinlari o'z yakuniga etadi.

Kecha Rossiya terma jamoasi ochilish o'yinida Saudiya Arabistoni ustidan 5:0 hisobida zafar quchdi. Bugun esa ushbu guruhdagi qolgan ikki jamoa to'qnash keladi.

Misr xalqi Urugvayga qarshi o'yinni sabrsizlik bilan kutishmoqda, sababi "firavnlar" 28 yillik tanaffusdan so'ng yana Jahon chempionatiga chiqishdi. Barcha Muhammad Salohning maydonga tushishi yoki tushmasligi borasida o'ylanmoqda. Agar "Liverpul" hujumchis bugungi bahsda maydonga tushsa barcha etibor aynan unga qaratiladi.

Misr terma jamoasida Salohdan boshqa yana kimlar bor deysizmi? "Vest Bromvich" himoyachilari Ahmed Xegazi va Ali Gabr, "Arsenal" yarim himoyachisi Muhammad El-Neni, "Stok Siti" yarim himoyachisi Ramazon Sobxi.

Misrning raqibi juda jiddiy ikki karra Jahon chempioni - Urugvay terma jamoasi. Ular oxirgi ikki mundialda ajoyib o'yinlar namoyish etishdi, ayniqsa JCH-2010da Forlan va uning sheriklari to'rtinchi o'rinni band etishgandi. Jamoa safida Luis Suares va Edinson Kavani kabi hujumchilar borligi Urugvayning kuchini ko'rsatib turibdi. JCH-2018 saralashida Urugvay Braziliyadan keyingi ikkinchi o'rinni egallab mundialga yo'llanma olgandi.

Bu qiziq
So'nggi bor Urugvay terma jamoasi JCH-1970da birinchi o'yinni yutgandi, shundan keyin mundiallardagi birinchi o'yinida 3 marta durang qayd etdi va 3 bor mag'lub bo'ldi. Janubiy Amerikaliklar 48 yillik qora ananaga barham berisharmikin?

45 yoshli misrlik darvozabon Essam El-Xadari ajoyib natija qayd etishi mumkin. Agar posbon Urugvayga qarshi o'yinda maydonga tushsa, Jahon chempionatlari tarixida maydonga tushgan eng yoshi katta futbolchiga aylanadi. Hozirgi rekord kolumbiyalik Farid Mondragonga tegishli. U 43 yoshida mundialda o'ynagandi.

Egypt

World Cup Grp. A . 1-tur

15/06/2018, 18:00

Tugadi

Uruguay

Jose Gimenez - 89'

Stadion: Ekaterinburg Arena, 27015 tomoshabin

Bosh hakam: Bjorn Kuipers

45'

90'

Match-senterda ochish

Taxminiy tarkiblar
Misr: Muhammad Al-SHenavi; Ali Gabr, Ahmed Xegazi, Ahmed Fatxi, Muhammad Abdulshafi; Tariq Hamed, Muhammad El-Neni, Mahmud Trezege, Abdalla Said; Ramazon Sobxi, Marvan Muhsin.

Urugvay: Fernando Muslera; Gilermo Varela, Xose Mariya Ximenes, Diego Godin, Martin Kaseres; Naitan Nandes, Matias Vesino, Rodrigo Bentankur, Jorjian De Arraskaeta; Edinson Kavani, Luis Suares.

Bosh murabbiylar nima deydi?

Ektor Kuper (Misr):

"Saloh tezkor ravishda tiklanmoqda. 100 foiz ishonamaki u maydonga tushadi. Hozircha unga ko'proq ishonch bermoqchimiz. SHifokorlar unga ikkita imkoniyat berishmoqda: maydonga tushish yoki biroz kutish. Muhammad hech nimadan qo'rqmaydi. Bu katta tavakkal, agar maydonga tushgach nimanidir sezsak darhol chora qo'llaymiz".

Oskar Tabares (Urugvay):

"Jamoamda barchasi joyida, ammo Misrga qarshi o'yin qanday kechishini bilmaydi. Bu o'yin syurprizlarga boy bo'lishi mumkin".