Jasur Jaloliddinov - "Qayrat"ga o'tish, Qurbon Berdiev va "Manchester Siti" haqida

- "Qayrat" safida o'tkazgan norasmiy debyutingiz haqida fikrlaringiz...
- Bugun norasmiy bo'lsa-da, debyut o'yinimni o'tkazdim. Hozir jamoamizda yangi taktik uslub bo'yicha ish olib borilyapti. Hammada shu taktikaga moslashish jarayoni kechmoqda.

- Qozog'iston chempionatiga oson ko'nikib ketaman deb o'ylaysizmi?
- Ko'nikib ketaman deb o'ylayman, chunki bu erda "Lokomotiv"dagiga qaraganda boshqacha vaziyat hukmron. Aksariyat futbolchilar tengqurlarim sanalishadi. Ilgari "Bunyodkor" akademiyasi safida "Qayrat" akademiyasiga qarshi ko'p o'yinlar o'tkazganmiz. Ular bilan ko'rishgach, bir-birimizni yaxshi tanidik. O'ylaymanki, bu erga moslashishim oson bo'ladi.

- Bu erdagi muhit va futbolchilarga yaratib berilayotgan sharoitlar haqida nima deya olasiz?
- SHaroitlarini oldindan yaxshi bilardim. "Qayrat" jamoasi akademiyasi dunyoning eng kuchli akademiyalari qatorida turadi. Kelganimdan keyin bunga o'zim ham amin bo'ldim.

- O'yin davomida ko'rindiki, sizda jismoniy tarafdan hali biroz muammolar bor. Buni bartaraf etish uchun sizga taxminan qancha vaqt kerak?
- Bosh murabbiyimiz (Qurbon Berdiev – tahr.) bilan gaplashganimizda ham buni aytib o'tdilar. Hozirgi asosiy maqsadimiz – 1 martda bo'ladigan Superkubok bahsiga maksimal darajada tayyor bo'lish.

- Qurbon Berdievning o'zi bilan shaxsan gaplashdingizmi? Sizdan nimani xohlayotgani va qaysi jihatlaringiz ustida ishlashingiz lozimligi haqida tushuncha berdimi?
- Ha, albatta. Kelishimdan oldin menda ilgari o'ynamasdan, zaxirada qolib ketish holatlari bo'lganini va shu tufayli jismoniy tarafdan yomonlashib ketganimni tushuntirib, bu meni bezovta qilayotganini aytdim. Qurbon Bekievich bunaqa holat umuman bo'lmasligini va menga yordam berishlarini takidladilar. Jamoaga qo'shilganimdan keyin men bilan alohida yana shug'ullanishlarini ham aytdilar. Ko'ramiz, baribir hammasi o'zimga bog'liq deb o'ylayman.

- Qozog'iston klublari ko'pincha kuchga tayangan holda himoyaga etibor qaratib futbol o'ynashadi. "Qayrat" mashg'ulotlarda va bugungi o'yinda qanday uslubda harakatlandi? Murabbiylar qanday o'yin uslubini joriy etishni xohlashmoqda?
- Ko'plab Qozog'iston klublari siz aytgandek, himoyaviyroq o'yin tashkil etsa-da, "Qayrat"da hech qachon unday bo'lmagan. Ko'proq pas berib, hujumkor futbol o'ynashni yaxshi ko'radi. Hozirgi paytda bosh murabbiyimiz bizga "Manchester Siti"ning o'yinini ko'rsatib boryapti. Aytishlaricha, u kishi bir hafta davomida "Manchester Siti" qarorgohida bo'lib, mashg'ulotlarini kuzatib kelgan. Bizda ham mashg'ulotlarda "Siti"ni o'yiniga moslashish jarayoni ketyapti.

- Qurbon Berdievning murabbiylik xislatlari haqida to'xtalib o'tsangiz...
- SHu paytgacha bunday saviyadagi murabbiyni uchratmaganman. SHubhasiz, top-murabbiy. Har bitta nutqida chuqur mano bor. Ishga yondashuvi ham professional darajada.