Jasur Jaloliddinov: “Murabbiyimizning ko'rsatmasini bajardim va gol urdim”

 Uchrashuvdagi mezbonlarga g'alaba keltirgan yagona gol “qaldirg'ochlar”ning yosh futbolchisi Jasur Jaloliddinov hisobiga yozildi. Biz esa o'yindan so'ng uning fikrlari bilan qiziqdik.

“Asosiysi g'alaba qozondik. Lekin, ko'p xatolar qildik. SHu bois raqibimiz xavfli vaziyatlarni  yuzaga keltirishni boshladi. Ular jismonan kuchli ekanligini bilardik. Bizning vazifamiz o'z o'yinimizni to'g'ri yo'lga qo'yib olish edi. Ammo murabbiymiz o'yinimizdan qoniqish hosil qilmadi. Golga kelsak, murabbiyimiz har bir o'yindan oldin uzoqdan ko'proq zarba yo'llashimni takidlaydi. Bugun ham berilgan ko'rsatmani bajarishga harakat qildim va gol urdim. Yana bir nechta gol urishimiz mumkin edi. Demak, to'p kiritgan vaziyatimda murabbiyning ko'rsatmasini bajarishdan boshqa hech narsa qilmadim”, dedi Jaloliddinov.

Abdulaziz ISKANDAROV yozib oldi.