Jamshid Saidov: "Jang” davom etadi"
27 okt 2015 13:13
Yangiliklar

Jamshid Saidov: "Jang” davom etadi"

“Buxoro” - “Navbahor” (0:1) uchrashuvidan so'ng matbuot anjumanining ikkinchi qismida “Buxoro” bosh murabbiyi Jamshid Saidov ishtirok etdi.

“Bugun futbolda omadning roli nechog'lik muhim ekanligiga yana bir bor amin bo'ldik. Aql bovar qilmas vaziyatlardan foydalana olmaslik, faqat omadsizlik belgisidir. 7-8 bor yaqqol golli vaziyatlar sodir etib, ularning birongtasidan foydalana olmadik. Mehmonlar esa aksincha, yarimta vaziyatdan oqilona foydalanishdi va g'alaba qozonishdi.

Nima ham derdik, “jang” davom etadi. Biz bugungi o'yinni unutgan holda keyingi uchrashuvga tayyorgarlikni boshlashimiz kerak. Barchasi o'z qo'limizda, imkoniyat haligacha saqlanib turibdi. Bugungi o'yin uchun shogirdlarimga minnatdorchilik bildiraman, ular bugun borlarini berib harakat qilishdi. Ajoyib muxlislarimiz bor, ularga ham rahmat aytaman” - dedi Saidov.

Havola :

Manba : pfcbuxoro.com

Yangiliklarni Telegramda o'qing!

Reyting: +3