Jaloliddin Masharipov: "Olimpiadada qatnashish Ronaldu bilan birga o'ynash kabi hamisha sodir bo'lavermaydi. Bu holat faqat menda bo'lgan"

- O'yin haqida...

- O'zbekistonliklarni g'alaba bilan tabriklayman. O'yindan oldin aytganimdek, vazifani bajargan bo'lsak ham, Turkmanistonni o'z maydonimizda mag'lub etishimiz kerak edi. Barcha futbolchilar o'z klubida yaxshi o'ynashmoqda, shu bois, ishonchli g'alabaga erishdik, deb o'ylayman. 

- Olimpiadaga borish niyatingiz bormi? Agar turnirga borish istagi bo'lsa, klubingiz ruxsat berishi mumkinmi? 

- O'FAdan Olimpiadaga olib borishimiz mumkin degan manoda klubimga xat yuborishibdi. Olimpiadada ishtirok etish imkoniyati har doim ham bo'lavermaydi. Qolaversa, uchrashuvlar PSJ klubining uy stadionida o'tkazilar ekan. Bunday tarixiy holatlar kamdan kam bo'ladi, xuddi men Ronaldu bilan birga o'ynaganim kabi. Bu holat faqat menda bo'lgan (kuladi). SHu bois, agar Olimpiadaga olib ketishsa, albatta, boraman.

- Navbatdagi o'yin 11 iyun kuni Eronga qarshi o'tadi. Siz va O'runov Eron chempionatida o'ynayapsizlar. Bu terma jamoa uchun foydalimi yoki zararli? 

- Eron chempionatida oldinroq ko'proq futbolchilarimiz o'ynashi kerak ekan. Ularga oldin yuqori baho berar ekanmiz. Eron futbolchilari bizga qarshi bor kuchi bilan harakat qilishi aniq. 

- Ikkinchi taymda O'runov bilan birga juda yaxshi tushunib o'ynadinglar. Bu murabbiy ko'rsatmasi bo'ldimi?

- Oston bilan doim bir-birimizni yaxshi tushunganmiz, hamma mendan kreativ paslar kutadi. Birinchi bo'limda Eldor hujumda bir o'zi qolib ketdi, ikkinchi taymda esa to'rt himoyachi taktikasiga o'tdik, buning natijasida hujumkorligimiz oshdi.