Islom Ismoilov: "Futbolchilar bir-birlarini tushunib olishlari uchun vaqt kerak"

"Raqibimiz "Bunyodkor", o'z uslubiga ega, sifatli o'yin namoyish qiladigan jamoa. SHuning uchun bugun tarkibimizga o'zgarishlarni amalga oshirdik. Kecha "Istiqlol"ga qarshi bahsda maydonga tushib bir bo'lim harakat qilgan futbolchilarni bugun ham tarkibga kiritdik. Birinchi bo'limda "Bunyodkor"da xavfli vaziyatlar ko'proq bo'lgan bo'lsa-da, tanaffusga biz g'olib sifatida yo'l oldik. Ammo ikkinchi bo'limda diqqatni yo'qotishimiz natijasida ikkita gol o'tkazib yubordik. SHundan so'ng futbolchilar o'zlariga kelishdi va biz xohlagan o'yinni namoyish qilishdi. Tarkibimizda bir qator yosh futbolchilar bor. Qolaversa, jamoaning o'zi deyarli yangilangan, o'yinchilar bir-birlarini tushunib olishlari uchun vaqt kerak. Umumiy manoda bugungi uchrashuvdan qoniqish hosil qildim. O'ylashimcha, bahs har ikkala jamoa uchun ham foydali bo'ldi",- deydi Islom Ismoilov.