Husniddin Nishonov: "Muhimi, g'alaba qozonib, muxlislarni xursand qildik"

Qiyin va muhim o'yinda vakillarimiz 3:2 hisobida g'alaba qozondi va guruh peshqadamligini mustahkamladi. O'yindan keyin terma jamoamiz safida gol urgan Husniddin Nishonovning fikrlariga quloq tutdik. 

- Avvalambor, xalqimizni mazkur g'alaba bilan tabriklaymiz. Tojikiston bilan o'yin juda qiyin o'tdi.  Ayniqsa ikkinchi bo'limda ancha qiyinchilikga duch keldik. Lekin yakunda baribir g'alaba qozondik.  Asosiysi, uch ochkoni qo'lga kiritishimiz lozim edi. Buni uddasidan chiqdik. Muhimi, g'alaba qozonib, muxlislarni xursand qildik.

Umuman olganda, bizda raqibni mensimaslik holati bo'lgani yo'q. Yuqorida aytganimdek, ikkinchi bo'limda biroz xotirjamlikka berildik. Natijada, raqib bundan foydalanishga urindi. Lekin baribir o'yinni muvaffaqiyatli tugata oldik. 

To'g'risi, kiritgan golim g'alabaga hissa qo'shganidan juda xursandman. Keyingi o'yinlarda ham yana gollar urib, terma jamoaga g'alaba keltirishga urinaman", - deya fikrlarini yakunladi Nishonov.