Husniddin Nishonov: "Jamoadoshlarim kelgusi yil ham tarkibda qolsa, titullarni himoya qilamiz"
06 iyu 2022 00:32
Yangiliklar

Husniddin Nishonov: "Jamoadoshlarim kelgusi yil ham tarkibda qolsa, titullarni himoya qilamiz"

Futzal bo'yicha O'zbekiston kubogining final bahsidan so'ng turnir g'olibi "Jizzax-Kenteks" azosi Husniddin Nishonov o'z fikrlari bilan o'rtoqlashdi.

"Bugungi g'alabadan juda xursandman. O'zbekiston chempionati hamda kubogi g'olibiga aylandik. Bunday natija har kimga ham nasib qilavermaydi. SHuningdek, shiddatli kurash taklif etgan "Paxtakor" jamoasiga ham rahmat aytaman.

Birinchi taymda qiyinchiliklarga duch keldik. Ikkinchi bo'limda esa o'z uslubimizni yuzaga chiqara oldik.

Bir-biriga o'xshash ikki gol kiritishim raqib darvozabonining aybi bilan sodir bo'lmadi. SHunchaki, o'sha vaziyatlarda o'zimga qulay nuqtada turganim uchun o'z uslubimda zarba yo'lladim.

Hozirgi jamoadoshlarim kelgusi yil ham tarkibda qoladigan bo'lsa, titullarni o'zimizda saqlab qolishga harakat qilamiz", — deydi hal qiluvchi bahsning eng yaxshi futbolchisi.

Havola :

Manba : championat.asia

Yangiliklarni Telegramda o'qing!

Reyting: +1