Hakim Fuzaylov: "Yangi jamoada dastlabki o'yinlar siz istagandek o'tmaydi"

O'yin haqida

- Raqib jamoani g'alaba bilan tabriklayman. "Xorazm" bilan ikkinchi o'yinimni o'tkazmoqdaman. SHu o'yindan men va jamoa o'rtasidagi tanishuv jarayoni yakuniga etishi kerak. Xatolarimiz bor, xatto ko'p ham. Futbolchilarni ko'rib, kuzatib imkoniyatlarini chamalab borayapmiz. Baribir yangi jamoada dastlabki o'yinlar siz istagandek darajada o'tmaydi.

- Klub rahbariyati Xakim Fuzaylov oldiga qanday vazifa qo'ydi?

- Hozirgi maqsadimiz birinchi davra davomida aniq tarkibni shakllantirish. Oldinda qator o'yinlar bor, biz harakatda va ishlashda davom etamiz. Mavsum yakunida "Xorazm" o'z mavqeiga munosib o'rinda bo'lishi kerak.

- Siz uchun chiroyli o'yin muhimmi yoki natijami?

- CHiroyli o'yin albatta kerak. CHunki futbol tomosha qilgan muxlis bu sport turining jozibasidan zavqlanishi kerak. Biroq, muhim jihat ham bor, murabbiy uchun javob beradigan jihat bu - natija. Biz aytib o'tganimdek, "Xorazm"ni munosib o'rinda bo'lishi uchun harakat qilamiz.