Golban ham “Navbahor”da

2015 yilgi mavsumni “Qo'qon-1912” jamoasida o'tkazgan rossiyalik futbolchi Igor Golban bundan biroz oldin “Navbahor”ning Toshkentdagi vaqtinchalik qarorgohiga etib keldi. Golban 2015 yilgi chempionat davomida qo'qonliklar safida 26 ta o'yinda ishtirok etganligini qo'shimcha qilish joiz. Rossiyalik legioner ertadan jamoamiz safida shug'ullanishni boshlaydi. Bundan tashqari, bugungi mashg'ulotlarda himoyachi Azizbek G'ulomxo'jaevni ham qatnashganligini aytib o'tish kerak. Ushbu futbolchi ayni paytda “Navbahor”da ko'rikdan o'tmoqda. Jamoamizning Toshkentdagi yig'ini 30 yanvar kuni yakunlanadi. Yig'in so'nggida esa Jizzaxning “So'g'diyona” jamoasiga qarshi nazorat uchrashuvi o'tkaziladi.