Gattuzo: “Barselona”ni bosim ostida ushlab turdik”

“Afsuski, biz mag'lub bo'ldik, chunki uchrashuvning ilk yarim soatida umuman maydonda “ko'rinmadik”. Ayni shu 30 daqiqa ichida uchta gol o'tkazdik. Kechirib bo'lmaydigan xatolarga yo'l qo'ydik. Ammo butun o'yin davomida “Napoli” raqibni bosim ostida ushlab tura oldi. Darvoza aniq zarbalar berdik, to'p bilan ko'proq muomala qildik, yakkakurashlarda g'olib chiqdik. Kimdir “Barselona” zaxira tarkibi bilan o'ynadi, degan fikrlarni bildirdi. Gap nima haqida ketayotganligini tushunib turibman: qarshimizda jahon darajasidagi top jamoa turgandi, ularning tarkibidagi futbolchilar o'nlab million evroga teng”, deya Gattuzoning so'zlaridan iqtibos keltirmoqda Football Italia.