Futzal. Toshkent viloyati terma jamoasi O'zbekiston chempioni!

7ta jamoa ikkita guruhga ajratilgan holda g'oliblik uchun kurash olib bordi. O'z guruhlarida peshqadam bo'lgan Farg'ona va Toshkent viloyati terma jamoasi yakunda final yo'llanmasini ham qo'lga kiritdi.

Gollarga boy, qiziqarli kechgan finalda Toshkent viloyati terma jamoasi mezbonlarga hech qanday imkoniyat qoldirmay 3:7 hisobida g'alaba qozondi. Aytish kerak, Toshkent viloyati terma jamoasi mazkur yosh toifasida ketma-ket uchinchi bor finalga chiqib, ikkinchi marta g'alaba qozonmoqda. Terma jamoa asosini Qibray tumanida joylashgan Alisher Ibrohimov rahbarlik qilayotgan BO'SM tarbiyalanuvchilari tashkil qiladi. So'nggi yillarda olib borilayotgan ishlarning samarasi o'laroq ushbu BO'SMning aksar tarbiyalanuvchilari sportning boshqa yo'nalishlarida ham Toshkent viloyati terma jamoasi safidan o'rin olib kelmoqda. Xususan, Farg'onada chempion bo'lgan tarkibdan ham BO'SMning 8 nafar tarbiyalanuvchisi joy olgan.

O'ZBEKISTON CHEMPIONATI
1-tur
Sirdaryo – Farg'ona – 3:7
Xorazm – Andijon – 3:3
Jizzax – Navoiy – 5:4

2-tur
Farg'ona – Andijon – 9:0
Sirdaryo – Xorazm – 5:3
Toshkent viloyati – Jizzax – 9:4

3-tur
Xorazm – Farg'ona – 4:8
Andijon – Sirdaryo – 4:1
Navoiy – Toshkent viloyati – 5:8

Yarim final
Farg'ona – Jizzax – 9:3
Toshkent viloyati – Andijon – 11:3

Final
FARG'ONA – TOSHKENT VILOYATI – 3:7