Farg'onada jurnalistlar o'rtasida futbol musobaqasi o'tkazildi

Farg'ona viloyat hokimligi, O'zbekiston Jurnalistlari ijodiy uyushmasi Farg'ona bo'limi va viloyat Futbol associaciyasi tomonidan  27 iyun “Matbuot va Ommaviy axborot vositalari xodimlari kuni”ga bag'ishlangan mini–futbol bo'yicha O'zbekiston Jurnalistlar uyushmasining ananaviy turniri o'tkazildi. Matbuot va ommaviy axborot vositalari xodimlari o'rtasida mini-futbol turining ommaviyligini oshirish, ularning o'zaro do'stlik, hamkorlik aloqalarni mustahkamlash va sportga bo'lgan mehrlarini yanada kuchaytirish maqsadida tashkil etilgan turnirda to'rtta jamoa ishtirok etdi.

Qirguli shaharchasidagi suniy mini-futbol maydonlari mezbonlik qilgan musobaqa shiddatli va keskin kurashlar ostda o'tdi. Bir davrali tizimda bo'lib o'tgan turnirda ishtirok etgan jamoalar o'zlarining chiroyli o'yinlari bilan muxlislarni xursand etishdi. Har bir uchrashuv yuqori saviyada o'tkazildi.

Musobaqa yakuniga ko'ra, “Ruxsor TV” jamoasi birinchi o'rinni qo'lga kiritdi. Ikkinchi o'rin “Farg'ona matbuoti” jamoasiga nasib etgan bo'lsa, “Bilimdon” klubi uchinchi o'ringa sazovor bo'ldi. Farg'ona viloyat teleradiokompaniyasining “Farg'ona TV” jamoasi ham turnirda munosib ishtirok etganini etirof etish joiz.

Musobaqa g'olibi - "Ruxsor TV" jamoasi

"Matbuotchi" jamoasi

"Bilimdon" jamoasi

Mana shunday turnirlar sog'lom turmush tarzini targ'ib etilishiga xizmat qiladi deydi musobaqa ishtirokchisi jurnalist Iqboljon Abdujabborov. O'tkazilgan uchrashuvlar davomida o'z hamkasblarimizga qarshi maydonga tushdik va bu juda qiziqarli bo'ldi. Barcha jurnalistlar nomidan musobaqa tashkilotchilariga minnatdorchilik izhor qilamiz.

Saytimiz muxbiri Bekzod Tolibov turnirni yoritish jarayonida g'olibga topshiriladigan kubok bilan suratga tushishga ulgurdi