Eshitdik-da! No'mon Hasanov o'zbek klublaridan biriga bosh murabbiy bo'lishga yaqin

Championat.asia sayti malumotiga ko'ra, No'mon Hasanov "Yangier" jamoasi boshqaruvini o'z qo'liga olishi kutilmoqda. 10 aprel kuni "Yangier" bosh murabbiyi Bekzod Qodirqulov O'zbekiston kubogi, 1-turi doirasidagi "Andijon"ga qarshi (1:3) bahsdan so'ng o'z xohishiga ko'ra istefoga chiqqan edi.

No'mon Hasanov 2021 yil mart oyida, Superliganing 1-turidan so'ng "Navbahor"dan ketgani bo'yicha hozirgacha ishsiz edi. Katta ehtimol bilan, Hasanov 20 aprel kuni O'zbekiston kubogi doirasidagi "So'g'diyona"ga qarshi bahsda "Yangier" bosh murabbiyi sifatida ishlaydi.

Malumot uchun, "Yangier" klubi Pro ligada 5-turdan keyin 1ta g'alaba va 4ta mag'lubiyat qayd etgan holda, 3 ochko bilan 10ta jamoa orasida 9-o'rinni egallab turibdi.