Endrik "Real"ga o'tganiga munosabat bildirdi

"Men Braziliyaning eng buyuk klubi, Janubiy Amerika chempioni, Jahon chempioni va mening qalbimda saqlanib qoladigan "Palmeyras"ga kim bo'lishim uchun zarur bo'lgan hamma narsani bergani uchun minnatdorchilik bildiraman. Orzularimga erishishimga yordam berganingiz hamda mening xohishim va oilamning boshqa orzularni amalga oshirish istagini hurmat qilganingiz uchun rahmat. "Real"ga o'tgunimcha o'zimni "Palmeyras"ga bag'ishlashda davom etaman: bundan ham ko'proq gollar, g'alabalar, unvonlar va muxlislarimiz uchun quvonch onlari", – dedi Endrik "Palmeyras" rasmiy saytiga.

16 yoshli futbolchining transferi "Real"ga 72 million evroga tushdi. Ammo yosh cheklovlari tufayli Endrik Madridga faqat 2024 yilning yozida kelib qo'shiladi.