Eldor SHomurodov uchun qiyin tanlov. Hamma gap 1,6 milliard dollarga qurilgan stadionda

Mashhur insayder Fabricio Romanoning yozishicha, unga "Atlanta Yunayted" klubi jiddiy qiziqib qolgan.

Etiborlisi ushbu klub uy o'yinlarini 2017 yilda 1,6 milliard dollar evaziga qurib bitkazilgan "Mercedes Benz Stadium" stadionida o'tkazib keladi. Ushbu stadionda 2023 yilda Meksika - O'zbekiston (3:3) o'rtoqlik uchrashuvi bo'lib o'tgan va bu stadion suniy maydonga ega.

O'shanda shifokorlar SHomurodovga Meksikaga qarshi o'yinda maydonga tushmaslikni tavsiya qilishgan edi va futbolchi ehtimoliy jarohatni oldini olib uchrashuvda ishtirok etmagan edi.

Balki barchasi ortda qolgandir, balki endi Eldor suniy maydonda ham maydonga tushishi mumkindir. Turkmanistonga qarshi o'yin ham suniy maydonda bo'ldiku deyishingiz mumkin, lekin mavsum davomida bitta yoki ikkita o'yinni suniy maydonda o'tkazish bilan barcha uy o'yinlarni suniyda o'tkazishning katta farqi bor. Nima bo'lgan taqdirda ham agar bu o'tish rostdan ham amalga oshsa Eldor SHomurodovga omad tilaymiz.