EL. "Vilyarreal" - "Karabax" o'yini koronavirus sabab ko'chirildi

Bu haqda ispan klubi matbuot xizmati xabar bermoqda. O'yin Ozarbayjon klubidagi koronavirus bilan bog'liq vaziyat sabab nomalum muddatga ko'chirildi.

O'yinni qachon bo'lib o'tishi hali malum emas. Ozarbayjon klubiga shunchaki texnik mag'lubiyat ham yozilishi mumkin.

O'yinning musobaqa jadvaliga tasiri yo'q. "Vilyarreal" 13 ochko jamg'argan va I guruhida birinchi o'rinni kafolatlagan. O'z navbatida "Karabax" 1 ochko to'plagan holda 4-o'rinda bormoqda. O'yin natijasidan qatiy nazar "Karabax" so'nggi o'rinda qoladi.

Jamoalarning ilk o'yini Istanbulda bo'lib o'tgan va bahs ispan klubining 3:1 hisobidagi g'alabasi bilan yakunlangan.