"El-Klasiko junior". Bugun "Atletiko" "Barselona"ni qabul qiladi
24 noy 2018 10:15
Yangiliklar

"El-Klasiko junior". Bugun "Atletiko" "Barselona"ni qabul qiladi

Bugun, 24 noyabr kuni "Atletiko" "Barselona"ga qarshi LaLiganing 13-tur uchrashuvini o'tkazadi.

Ushbu baxsni "El-Klasiko junior" deb atash mumkin. To'g'ri, "El-Klasiko" so'zi LaLiga yaratilganidan beri uni tark etmagan jamoalar o'rtasidagi bahsga aytiladi, ammo bugungi kunda "Real" va "Barselona"dan keyin Ispaniya chempionatini titratayotgan "Atletiko" bo'ladi. Klub yildan-yilga yiriklashib bormoqda. Jamoa superyulduzi Antuan Grizmann yozda o'zi ishtirok etadigan barcha turnirlarda g'olib bo'lishni istaydigan Kataloniya klubiga rad javobini berdi va buyog'iga "matraschilar" sharafini himoya qilishini aytdi. Mana shu faktning o'zi ham Madridda yana bir grand paydo bo'lganini anglatadi. Biroq bugun "Atletiko" haqida emas, LaLiganing 13-tur o'yini borasida to'xtalib o'tamiz.

Nafaqat shanbaning, balki butun turning markaziy bahsi "Vanda Metropolitano"da bo'lib o'tadi. Ikkala jamoa ham o'tgan turda nomiga mos o'yin ko'rsatmadi. Kataloniyaliklar o'z maydonida "Betis"dan 4ta gol o'tkazib yuborishdi. "Barselona" ushbu uchrashuv vaqtining 54%da to'pni nazorat qildi. Bu raqam ko'k-anorranglilar uchun juda kam. Birinchi bo'lim 0:2 hisobida yakunlandi. Darvozaga zarba berish bo'yicha natija sizni hayron qoldirishi aniq - 15:20, mehmonlar ustunlik qilishdi. "Verdiblankos" ishonchliroq ko'rindi va futbolchilar murabbiyning aytganini to'ppa-to'g'ri bajarishdi. Mark-Andre ter SHtegen o'zining chiroyli seyvlari bilan jamoani qutqarishga urindi, ammo kiper ham jamoadoshlari kabi xatoga yo'l qo'ydi.

Natijada "Barselona" 2003 yildan so'ng "Kamp Nou"da 4ta gol o'tkazib yubordi. O'sha yilik Kataloniya klubi "Deportivo"ga 2:4 hisobida yutqazgan. "Betis" 1998 yildan so'ng ilk marta "Barselona"ni raqib maydonida mag'lubiyatga uchratdi.

"Atletiko"ning o'yini yanada dramatik ko'rinishga ega bo'ldi. Joriy mavsum mehmonda umuman g'alaba qozonmagan "Atletik" Inyaki Uilyamsning gollari tufayli ikki marta hisobda oldinga chiqib oldi. Biroq Tomas va Rodri o'rtadagi muvozanatni tiklashga muvaffaq bo'lishdi. Ushbu bahsda durang hech kimni qoniqtirmas edi. Ikkala jamoa ham vaziyatlar yaratdi va g'alabaga umid qildi. Ammo ko'proq mezbonlarning omadi keldi. Diego Godin bosh bilan "Atletik" darvozasini ishg'ol qilib, qo'shimcha vaqtda o'z jamoasiga g'alaba keltirdi. 2009 yilning mayidan beri bu jamoalari o'rtasidagi bahsda bunchalik ko'p gol urilmagan. Demak, "Barselona"ga qarshi bahsda ham gollar shousiga guvoh bo'lamizmi?

Ushbu jamoalar o'rtasidagi so'nggi 6ta bahs 3ta durang va "Barselona"ning 3ta g'alabasi bilan yakunlangan.

Diego Godin jarohat tufayli o'yin qaydnomasiga kiritilmadi.

Ivan Rakitich avvalgi uchrashuvdagi qizil kartochka uchun bahsni o'tkazib yuboradi. Filippe Koutinoda esa jarohat bor.

"Atletiko" qaydnomasi