Dunyoning eng boy insoni "Liverpul"ni sotib oladimi?

Dunyodagi eng boy inson Ilon Maskning otasi Errol Mask o'g'li "Liverpul"ni sotib olishni istagida ekanini aytdi. Katta Mask Liverpul shahrida uning uzoq qarindoshlari yashaganini qo'shimcha qildi.

"O'g'lim [Ilon Mask] "Liverpul"ni sotib olishdan mamnun bo'lardi. Uning buvisi Liverpuldan. Bizning oilamiz o'sha erdan bo'lgan, ular Bitlz guruhi bilan birga katta bo'lishgan", -deydi Errol Mask.

Forbes talqiniga ko'ra, Ilon Maskning ayni damdagi boyligining tahminiy qiymati 415.6 milliard dollarni tashkil qiladi. "Liverpul" klubi esa tahminan 4.5-5 mlrd dollarga baholanadi.