Denis Korostichenko: "Samarqandliklar o'z vaziyatlaridan foydalanishdi, biz esa yo'q"

Denis Korostichenko: "Birinchi navbatda "Dinamo"ni g'alaba bilan tabriklayman. O'yin qiziq o'tdi, vaziyatlar bo'ldi. Samarqandliklar o'z vaziyatlaridan foydalanishdi, biz esa yo'q. SHunga qaramay bahs o'yin sifati bo'yicha yomon o'tmadi. Burchak zarbasidan urilgan gol yigitlarni biroz "muzlatib" qo'ydi. Keyin bitta to'p kiritishga muvaffaq bo'ldik".

- Jamoa keyingi bosqichga chiqib bo'lgani uchun Oleg Zoteev maydonga tushmadimi?

- Olegda "Yunired" bilan bahsdan so'ng jarohat bor edi. 3 kun davolandi, murabbiylar shtabi maslahatlashib, tavakkal qilmaslikka qaror qildik. Jumaboev bilan vaziyat ham shunday.

- "Dinamo" va "Lokomotiv" futbolchilarida charchoq sezildi. Bu issiq bilan bog'liqmi?

 - Issiq ham tasir qilgandir. "Dinamo" kabi barcha o'yinlarda bor kuchimizni ishga solib, maksimal ochko to'plashga harakat qilayotganimiz yigitlarni biroz xoldan toydirgandir.

- O'zbekiston Kubogi keyingi bosqichida "Lokomotiv" raqibi qaysi jamoa bo'lishini xohlayapsiz?

- Aniq bir klub bilan bilan tushish haqida o'ylayotganim yo'q.

- Jamoa oldiga kubokda aniq vazifa qo'yiganmi?

- Ha. Kubokda finalga chiqishni xohlaymiz. Biz "Lokomotiv"miz. Doimo yuqorida bo'lishni xohlaymiz. Hozir Pro ligada bo'lishimiz mumkin, ammo Superliga darajasidagi jamoalarga qarshi to'p tepishni istaymiz.