"CHelsi"da Sterlingdan 7-raqamini olib qo'yishdi. Futbolchining o'zi ham ketishga jamoa qidirmoqda

Sterlingdan 7-raqamini olib qo'yishdi va klubning yangi futbolchisi Pedru Netuga topshirishdi. Etiborlisi, bir necha kun avval "Siti"ga qarshi o'yinda portugaliyalik 19-raqamli futbolkada maydonga tushgandi. 

Raxim oxirgi vaqtlarda uyda, individual tarzda shug'ullanmoqda. "Man Siti"ga qarshi bahsda u hatto qaydnomaga ham kiritilmadi. 

Saudiya Arabistonidan taklif borligiga qaramay, Sterling oilasi qulayligi va Angliya terma jamoasida to'p tepish niyatida ekanligi sababli Osiyo tomon oshiqmayapti. SHu sababli, Raxim APLning boshqa bir klubiga ko'chib o'tishni istamoqda.