CAFA U-15 Boys Tournament: Afg'onistonga yutqazgan O'zbekiston o'smirlari termasi kumush medallarga sazovor bo'ldi

Musobaqaning so'nggi kunidan o'rin olgan o'yinlardan birida mezbon Tojikiston o'smirlar termasi Turkmaniston U-15 futbolchilari bilan kuch sinashib, 3:1 hisobida zafar quchdi.

Turnir g'olibligi uchun kechgan bahsda esa Aleksandr Mochinov bosh murabbiyligidagi O'zbekiston o'smirlar termasi afg'onistonlik tengdoshlariga qarshi bellashdi. Gollarga boy o'tgan o'yinda Afg'oniston o'smirlar terma jamoasi 3:2 hisobida g'alaba qozonib, o'zaro o'yinlar natijasiga ko'ra CAFA U-15 Boys Tournament g'olibiga  aylandi.



O'zbekistonlik futbolchilar kumush medallarga sazovor bo'ldi.





Qayd etish joiz, o'zbekistonlik futbolchi Bo'ronbek Mirzasalimov musobaqa davomida raqiblar darvozasiga jami 5 ta gol kiritib, turnir to'purariga aylandi.



Tojikistondagi musobaqada O'zbekiston o'smirlar termasining ikkinchi jamoasi qatnashganini alohida qayd etish joiz. Dilshod Nuraliev bosh murabbiyligidagi O'zbekiston U-15 asosiy terma jamoasi 13–17 iyun kunlari Xitoydagi xalqaro musobaqada ishtirok etishi tufayli mamlakat o'smirlar termasining ikkinchi jamoasi tashkil qilindi.

CAFA U-15 Boys Tournament xalqaro turnirida o'zini yaxshi tomondan ko'rsata olgan, ishonchli o'yin namoyish qilgan futbolchilar Dilshod Nuraliev tomonidan O'zbekiston o'smirlar termasining asosiy jamoasiga taklif qilinishi mumkin.

CAFA U-15 Boys Tournament
Tojikiston, Dushanbe
8 iyul, shanba

O'zbekiston U-15 – Afg'oniston U-15 - 2:3

Gollar: Samir Samandari, 6 (1:0). Husain Norchaev, 39 (1:1). Ahmad Tamim Mirzoda, 48 (2:1). Sayes Afhar Husayni, 78 (3:1). Alibek Davronov, 83 (3:2).

Ogohlantirishlar: Ahmad Tamim Mirzoda (49), Fardin Naseri (90+4), Muhammad SHarifi Aminzoda (90+5)

O'zbekiston U-15: Sarvar Yo'ldoshev (Anvar Nazirov, 78), Foziljon Pirimqulov (Jasurbek Qahhorov, 63), Abdumutal Rajabboev, Bektemir Abdumannonov (Abduvohid G'aniev, 80), Sultonbek Nekboev, Javohir Abdualimov, Diyor Xolmatov (Abdujabbor Zuhriddinov, 75), Bo'ronbek Mirzasalimov (Saidumarxon Sodiqov, 58), Davron Alibekov, Ikrom Erkinov, Husain Norchaev.

Afg'oniston U-15: Muhammad SHarifi Aminzoda, Muhammad Amin Nizomi, Abdulmunir Hazrati, Sajald Ali Halili, G'ulom Yaxyo Xedri, Samir Samandari, SHerzod Fayzuddin, Muhammad Xarun Nosiri (Rahim Husayni, 90+2), Ali Zohidi, Ahmad Tamim Mirzoda (Sayes Afhar Husayni, 61), Fardin Naseri.