"Buxoro": Akkreditaciya jarayoni boshlandi

Futbol muxlislari, jamoalar va umuman futbolga aloqador har bir shaxs yangi mavsumni intiqlik bilan kutmoqda. Uchrashuvlarni yoritib boradigan OAV ham mavsum startini intiqlik bilan kutishmoqda. Futbol bu mamlakatimizda birinchi raqamli sport turi sanaladi. Uning targ'ibot va tashviqotida ommaviy axborot vositalari o'rni juda katta.

“Buxoro” jamoasining uy uchrashuvlarini ko'plab jurnalislar yoritib borishlariga o'rganib qolganmiz. 2017 yilgi mavsum davomida “Buxoro” jamoasining uy uchrashuvlarini yoritib borish uchun OAV vakillarini akkreditaciyadan o'tkazish jarayoni boshlanganligini malum qilamiz.

Ommaviy axborot vositalarining o'yinlarni maxsus sektorda yoritib borish, jurnalistlar uchun yaratilgan barcha sharoitlardan to'laqonli foydalanishlari, uchrashuvlar yakunida uyushtiriladigan matbuot anjumanlarida bevosita ishtirok etishlari, shuningdek, TV operatorlari hamda fotomuxbirlarning bevosita maydon atrofida faoliyat yuritish imkonini beruvchi maxsus ruxsatnoma (beydjik)lar taqdim etiladi.

Buning uchun OAV:

1. O'zi ishlayotgan korxonadan “Buxoro” bosh direktori Najmiddinov Amrillo Abdullaevich nomiga xat (xatda akkreditaciya xujjati beriladigan har bir xodimning to'liq ismi sharifi, lavozimi ko'rsatilishi lozim).

2. 2 dona 3x4 hajmdagi fotosurat (elektron varianti tavsiya etiladi)

3. Pasport nusxasini taqdim etishlari shart.

Xujjatlarni pfkbuxoro@mail.ru elektron pochtasiga yoki klubning xodimlar bo'limiga taqdim etishlaringiz mumkin bo'ladi.

Hujjatlarni qabul qilish 27 fevralga qadar davom etadi.

P.S: Yangi mavsumdan etiboran media tribunaga kirish beydjiklari bo'lmagan har qanday shaxsga taqiqlanadi!