Buskets "Barselona" safidagi 700-uchrashuvini o'tkazdi

"Barselona" yarim himoyachisi va sardori Serxio Buskets Ispaniya Superkubogi yarim finali doirasidagi "Real Betis"ga qarshi o'yinda zaxiradan maydonga tushdi. Bu ispaniyalikning "ko'k-anorranglilar" libosidagi 700-o'yini bo'ldi.

2008 yildan buyon "Barselona" safida to'p tepayotgan 34 yoshli Buskets bunday ko'rsatkichga erishgan kataloniyaliklar tarixidagi uchinchi futbolchiga aylandi. 

"Ko'k-anorranglilar"ning amaldagi bosh murabbiyi Xavi "Barselona" safida 767 ta o'yin o'tkazgan bo'lsa, Lionel Messi hisobida 778 ta o'yin bor.

Buskets 700 ta o'yinning 465 tasini Ispaniya chempionatida, 129 tasini CHempionlar Ligasida, 73 tasini Kubokda, 19 tasini Ispaniya Superkubogida, 6 tasini Evropa Ligasida, 5 tasini klublar o'rtasidagi JCHda, qolgan 3 tasini esa Evropa Superkubogida o'tkazgan.