“Bunyodkor” kichkintoylar festivalida ham faol

SHuningdek, ular natija talab etiladigan musobaqalarda ishtirok etishmaydi. Faqat turli festivallar va tengdoshlari bilan o'rtoqlik o'yinlari orqali kichkintoylar o'z mahoratlarini oshirib borishadi.

Yaqinda “Bunyodkor” BO'FM ning 8 yoshli kichkintoylari ketma-ket 2 festivalda ishtirok etishdi. Dastlab mashhur futbolchi va mutaxassis Akmal Azizxo'jaev xotirasiga bag'ishlangan turnirda Abdumalik Raximov shogirdlari o'z tengdoshlari bilan quyidagi natijalarni qayd etishdi: “Paxtakor” – 3:0, BO'SM-30 – 2:0, “Spartak”-2 – 7:0, “Spartak-1” – 0:2.

So'ngra, ommaviy futbol kuniga bag'ishlangan turnirda ham aynan shu kichkintoylar qatnashishdi. Festivalning qiziq tomoni, unda natija muhim bo'lmaganligi sababli qizlar jamoalari ham ishtirok etishdi. Kichkintoy “qaldirg'ochlar” natijalari: “Paxtakor” – 4:0, BO'SM-30 (qizlar) – 2:0, “Nasaf” – 5:0, “Spartak” – 0:1.

Yuqorida takidlaganimizdek, bu festivallarda natija birlamchi bo'lmagan. Yosh futbolchilar ilk marotaba jamoaviy o'yin nimaligini his qilishdi. Ular berilib o'ynashdi va ota-onalari oldida o'zlarini har tomonlama ko'rsatishga intilishdi. Kiritilgan har bir gol ularga zavq-shodlik bag'ishlagan bo'lsa, mag'lubiyatdan so'ng ko'z yoshlar ham bo'ldi. Lekin bu ularning futbolchilik faoliyatidagi ilk qadam. Hozircha ular millionlar o'yinidan faqat zavq olishsin, toblanishsin. Akalaridan o'rnak olishsin. Ular maydonda o'z so'zlarini aytadigan payt, klub shani uchun to'p surish vaqti hali keladi...