"Bunyodkor" Buxoroda ikki ochko yo'qotdi

BUXORO – BUNYODKOR 1:1
Hakamlar: R.Ermatov, A.Rasulov, J.Saidov, D.Jalimov
Nazoratchi: G.Imomov.

Gollar: Vitaliy Plamadela, 17 - 0:1. Vohid SHodiev, 18 - 1:1.

"Buxoro": Aleksandr Korneychuk, SHavkat Raimqulov, Aziz G'ulomxo'jaev, Georgiy Kvesieshvili, Suxrob Nematov (Jaloliddin Ubaydullaev, 82), Vitaliy Plamadela, Predrag Vuyovich, Firdavs Asadov (Andrey Akopyanc, 86), Feruz Boboqulov (Ilya Ilin, 63), Ravshan Aslanov, Oybek Nurboev.
Zaxira: Farrux Turdialiev, Nodir Jo'raev, Umrillo Ramazonov, SHukur Jumaboev.

"Bunyodkor": Akbar To'raev, Akmal SHorahmedov, Xayrulla Karimov, Dilshod Jo'raev, Anvar G'ofurov, Javlon Ibrohimov (Sardor Sobirxo'jaev, 66), Oleksandr Pishur, Vohid SHodiev, Islom Inomov (Sardor Rashidov, 46), Sahob Jo'raev, Oleg Zoteev (Alibobo Rahmatullaev, 76).
Zaxira: Pavel Bugalo, Alibobo Rahmatullaev, Anvar Berdiev, Bahodir Pardaev, Sergey Simonenko.

Ogohlantirishlar: Dilshod Jo'raev 42, Sahob Jo'raev 54, Oybek Nurboev 65, Suxrob Nematov 82, Xayrulla Karimov 82,
CHetlatish: Xayrulla Karimov 87 (ikkinchi ogohlantirish)

Ushbu o'yinning matnli translyaciyasini shu erda kuzatib borish mumkin.
                                   
                                MATNLI TRANSLYACIYA
                                            YANGILASH

90+4. O'YIN TUGADI. "Buxoro" - "Bunyodkor" uchrashuvida 1:1 hisobi qayd etildi

90. Ikkinchi bo'limga 4 daqiqa vaqt qo'shib berildi.

89. Nurboevning bosh bilan yo'llagan zarbasini To'raev qiyinchilik bilan ushlab oldi.

87. To'p uchun kurashda raqibiga nisbatan qo'pollik ishlatgan Xayrulla Karimovga ikkinchi sariq kartochka va ketidan qizil.

80. Alibobo Rahmatullaev o'ng qanotdan to'p oshirdi. Vohid SHodievning zarbasini himoyachilar qaytarishdi.

79. Qanotdan uzatilgan to'pni Pishur boshi bilan SHodievga uzatdi. Vohid esa to'pni Sobirxo'jaevga uzatdi. Sardorning zarbasi yuqoridan o'tib ketdi.

73. Himoyachilardan qaytgan to'pni Dilshod Jo'raev darvozaga yo'lladi. To'p himoyachining boshiga tegib qaytdi.

60. Pishurning zargarona pasidan so'ng o'ng qanotdan Rashidov qulay vaziyatga chiqdi. Ammo uning o'ng oyog'ida yo'llagan zarbasi noaniq.

57. Sardor Rashidov jarima zarbasidan to'p oshirdi. Pishurning bosh bilan yo'llagan zarbasi himoyachilarga tegib qaytdi.

55. Tasanno Akbar To'raev. Burchakdan oshirilgan to'pni Plamadeala boshi bilan darvozaga yo'lladi. To'raev bu safar ham qahramonlik ko'rsatdi.

52. Zoteev o'ng qanotdan to'p oshirdi. Kvesiashvili Pishurdan ustun kelib to'pni qaytardi.

46. Ikkinchi bo'lim boshlandi.

45.Birinchi bo'lim yakunlandi. Hozircha hisob 1:1

42. To'p uchun havodagi kurashda raqibiga nisbatan o'yin qoidasini buzgan Dilshod Jo'raev ogohlantirildi.

39. Sahob Jo'raev ikki bor burchakdan to'p tepdi. Har ikkala zarba ham judayam xavfli tus oldi. Lekin gol bo'lmadi.

38. Dilshod Jo'raevning pasidan so'ng Pishur darvozaga zarba berdi. Korneychuk qaytardi. Ikkinchi zarba Zoteev yo'lladi. Bu safar ham posbon to'pni qaytardi.

37. Ravshan Ermatov bugungi bahsda jonli devorni belgilashda "penya"dan foydalanyapti.

35. Pishur yana bir bor yakka kurashda to'pni sheriklariga tashlab berdi. Bu safar Inomov vaziyatdan foydalana olmadi.

31. Xayrulla Karimov jarima zarbasidan to'pni juda aniq etkazib berdi. Darvozaga yaqin masofadan to'pni Inomov to'xtata olmadi.

29. Vitaliy Plamadealaning kuchli zarbasiga aniqlik etishmadi.

27. Pishur hujum boshladi. Uni Zoteev va SHodiev davom ettirdi. Biroq hujumni yakunlash uchun Pishurga G'ulomxo'jaev halal berdi. 

23. Suhrob Nematovning kuchli zarbasi rekoshet ko'rinishida salgina noaniq bo'ldi.

20. Vohid SHodievda yana bir imkoniyat. Ammo SHodiev darvozabon bilan birga-bir vaziyatni to'pni to'ppa-to'g'ri posbonning qo'llariga tepdi.

18. GOL. "Bunyodkor"ning tezkor hujumi. Pishur yakka kurashda to'pni yutdi va SHodievni qulay vaziyatga chiqardi. Vohid esa birga-bir vaziyatda to'pni darvozaga yo'llab. hisobni tenglashtirdi - 1:1.

17. GOL! Burchakdan oshirilgan to'pni himoyachilar qaytarishdi. Ikkinchi urinishda Vitaliy Plamadela darvozaga kuchli zarba yo'lladi. Hisob ochildi - 1:0.

16. Avvaliga Nematov, keyin esa Boboqulov zarba yo'lladi. Har ikkala holatda ham "Bunyodkor" himoyachilar to'p yo'liga to'g'anoq bo'lishdi.
14. "Bunyodkor"ning qarshi hujumi. Zoteevning chap qanotdan uzatgan to'pi SHodievgacha etib bormadi. Aks holda...
13. Akbar To'raev "Bunyodkor"ni muqarrar goldan saqlab qoldi. Burchakdan oshirilgan to'pni Asadov boshi bilan uzoqroqqa o'tkazib yubordi. Bu erda bo'sh turgan Kvesiashvili boshi bilan darvozaga zarba yo'lladi. To'raev kuchli reakciya evaziga to'pni qaytardi.
10. Dastlabki daqiqalarda mezbonlar yaxshi harakat qilishmoqda.
8. Sahob Jo'raev uzatgan pasni SHodiev darvozaga to'g'riladi. To'p tiqilinch vaziyatda darvozaga kirishni istamadi.
7. "Buxoro" yana bir hujum tashkil etdi.Biroq Anvar G'ofurov xavfni bartaraf etdi.
5. "Bunyodkor" to'pni ko'proq o'zida saqlab turibdi.
3. Oybek Nurboevning chamasi 40 metrlardan jarima zarbasidan tepgan to'pi noaniq chiqdi.
2. Firdavs Asadov va Xayrulla Karimov to'p uchun kurashda to'qnashib ketishdi. Har ikkala futbolchining boshi chayqaldi.
1. "Buxoro" ilk hujumni tashkil etdi. Ammo Boboqulovning harakatlari zoe ketdi.
O'YIN BOSHLANDI
- Uchrashuv soat 18:00da boshlanadi.